توست بالدجاج طبق تحضيره اقل من نص ساعه جاهز

شلوووونكم بنات اليوم اكتشفت ان بالمنتدى قسم طبخ لاهيه بالقسم التجاري

خلي اعلمكم هالطبق سريع حتى ريلج واليهال او عازمه احد ولا رايحه زواره الكل بيستانسون عليه .
المقادير : زيدي الكميه على حسب عدد الاشخاص اللي عطيتكم بس لشخصين

1- كرتون شاورما دجاج جاهز انا استعمل امريكانا
2- 2 كيس توست منزوع الاطراف واذا عددكم وايد كثري منه .
3- بصل - جزر - فص ثوم صغيرون مبشورين بماكينة البشر ماتاخذ ثواني
4- مايونيز واذا ماتبين مايونيز جلاس جبن كرفت - علبة كريما سريعه الخفق كي دي دي
5- بهارج ملح فلفل اسود
التحضير :
يبي مقلايه وحطي فيها زيت شويه ويبي البصل والثوم والجزر وحمسيهم تالي حطي فوقهم شاورما الدجاج تالي حطي المايونيز او قلاس الجبن فوقهم وقلبي 5 دقايق
تالي يبي ماعون الفرن وصفي التوست بقاعته وصبي فوقه نص علبه الكريمه وواسيها بعدها يبي حميسه الدجاج وحطي فوقها وغطيها بطبقه التوست ثانيه وصبي قوقها باقي الكريمه ودخليها الفرن لين يتحمر الويه ..

واذا سويتوها بلغوني بالنتيجه ... والف صحه وعافيه عليكم

وووووووووووووووووين الردود يا اصدقائي